PETICIÓN DE AMPLIACIÓN DO HORARIO DA OFICINA DE CORREOS DO BARRIO

Asociación Veciñal de Novo Mesoiro reclama o incremento do horario da oficina de correos do barrio.

A entidade veciñal vén de recoller numerosas queixas da veciñanza que considera os horarios de atención ao público moi escasos

A asociación veciñal de Novo Mesoiro vén de
facer pública a reclamación do aumento do horario da oficina de correos do barrio que na actualidade presta atención aos núcleos de poboación de Mesoiro, Novo Mesoiro, Feáns, Vío, As Rañas e Urbanización Breogán, ademais do Polígono de Pocomaco.

Durante as últimas semanas foi varía a veciñanza que lle trasladou a entidade a queixa dos horarios de atención ao público que hoxe en día ten esta oficina.

De feito a oficina ofrece atención á veciñanza só de mañá, de 9.00 h a 14.00 h por semana, de luns a venres, e tamén só de mañá, mais só de dúas horas, 10.00 h a 12.00 h, os sábados.

«Hai moitos e moitas veciñas que non poden recoller os certificados ou as notificacións que necesitan ser asinadas xa que só existe en toda a semana un horario de mañá, incompatíbel co seu horario de traballo. Cremos que isto debe ser mudado e que Correos amplie e o horario ás tardes», sinalase desde a asociación veciñal.