INFORMACIÓN DE INTERESE: informes de contas da Asociación Veciñal
Para unha maior transparencia e difusión do labor da Asociación Veciñal Novo Mesoiro, e grazas á suxestión de varias persoas sociais que nos fixeron achegar nestes últimos días a necesidade de amosar publicamente os informes de contas e as memorias xustificativas de gastos da entidade, colgamos na nosa nube de dropbox toda a nosa contabilidade desde o ano 2013, primeiro ano no que se puido facer balance contábel despois de que a propia asociación estivera a piques de desaparecer.
Desde ese ano, 2013, e de xeito anual na Asemblea correspondente, viñeron aprobándose os informes de contas, así como dándose conta das actividades que, por ser obxecto de subvención pública (Concello e Deputación da Coruña) deben achegar a facturación correspondente.
Deste xeito, ben a través da páxina web, na pestana A.VV., premendo en “memorias_actividades”:
, ou ben a través do enlace na propia nube de dropbox:
https://www.dropbox.com/sh/
, poñemos a disposición de toda a veciñanza esta información que consideramos de interese xeral.
Moitas grazas, e saúdos da Xunta Directiva.
