Comienza la fase de votación de los presupuestos participativos
Mandan la siguiente info del Ayuntamiento:
Rematada a fase de achega de propostas do programa de Orzamentos Participativos, poñémonos de novo en contacto contigo para informarche doinicio da fase de apoios, que comeza hoxe día 30 de maio e estará aberta ata o día 13 de xuño.
Durante este prazo de tempo, podes apoiar as túas propostas e todas as demais que queiras da cidade e de ata un máximo de tres distritos na plataforma dixital habilitada para este programa: https://aportaaberta.coruna.
Para a túa información, presentáronse un total de 909 propostas, unha cantidade moi por riba dos obxectivos e as expectativas inicialmente fixadas. Delas, as calificadas inicialmente como viables son 696. Estas propostas viables son as que podes apoiar na plataforma durante esta segunda fase dos orzamentos participativos.
A fase que agora comeza é moi importante para que as propostas poidan pasar á fase de avaliación técnica e finalmente á fase de votación final. Só as propostas máis apoiadas poderán optar a ser executadas, tras a análise dos servizos técnicos municipais.
Lembra que, igual que na primeira fase, continúan estando operativos os puntos de apoio ao proceso habilitados nas bibliotecas municipais, centros cívicos, CIMX e na Federación de Asociacións Veciñais, e o teléfono 010 seguirá atendendo dúbidas e problemas de rexistro e/ou funcionamento da plataforma.
Este ano queremos darvos a oportunidade de difundir as propostas que fixéchedes, para acadar máis apoios nesta fase. Por iso convidámosche acontar as túas ideas e difundilas a través de pequenos vídeos que podes gravar co teu móbil e enviar ao correo presupostos.participativos@
Recibe un cordial saúdo,
Orzamentos Participativos
Concellaría de Participación e Innovación Democrática
