Infomación da Asociación Veciñal de Novo Mesoiro
Información da A.V. de Novo Mesoiro
Durante as pasadas festas houbo moitas e moitos de vós que nos suxeriron varias ideas que se podían facer ao longo de todo o ano previo a se celebrar este evento co obxecto de recadar cartos para poder desenvolver máis e mellores actuacións e actividades durante eses días.
Deste xeito, varias desas ideas recollémolas e, de feito, xa comezamos a desenvolvelas.
A primeira, como se anunciou a semana pasada, foi incluír a recadación da achega das participación da lotaría nacional, que a Asociación xoga cada ano aproveitando o sorteo extraordinario da Lotaría de Nadal, dentro dese bote.
E outra das achegas que se nos realizou foi a de elaborar unha porra de fútbol semanal e unha poxa de un xamón mensual, en colaboración con distintos establecementos do barrio.
Deste xeito, desde esta semana, e de momento, pódese encontrar na cervexaría “Mesoiro” (rúa Ribeira Sacra 9-11) e no bar “A do Cuñado” (avenida Novo Mesoiro 5), ambos xogos, para que todas aquelas persoas que queiran participar e aportar o seu gran de area ás Festas de Novo Mesoiro de 2020 poidan facer.
As bases, tanto da porra como da poxa poden ser consultadas no seguinte enlace: https://www.dropbox.com/s/ai49xuozl2937x4/bases_porrafutbol_poxaxamon.pdf?dl=0
ou tamén na propia táboa de ambos xogos que están xa na cervexaría “Mesoiro” e no bar “A do Cuñado”.
Asemade informar que estamos traballando noutras iniciativas “convencionais” (venda de bolígrafos ou camisetas) e tamén “menos convencionais”, e que aínda non desvelaremos, ao querer ser estas unha sorpresa, e das que informaremos cumpridamente cando estean a disposición da veciñanza.
Desde a Asociación Veciñal saúdos, e moitas grazas
