Xuño de música e libros no punto bibliotecario de Mesoiro

Xuño vai vindo cargado de actividades para todas as idades no punto de préstamo de Mesoiro. Este sábado 15 á mañá, música e literatura danse a man nun encontro aberto co escritor Xosé Duncan e a música de Mielitza, e a semana vindeira sacamos os libros ao sol o mércores 19 e o xoves 20, con concerto de Xoan Curiel, especialmente destinado ao público infantil, ese mércores 19 ás seis da tarde.

Agardemos que o tempo acompañe! ??

 

Tedes máis información na web e nas imaxes adxuntas.

 

– XORNADA LITERARIO-MUSICAL  CON XOSÉ DUNCAN E MIELITZA (SÁBADO 15 DE XUÑO, 11 HORAS)

– LIBROS AO SOL (19 E 20 DE XUÑO) CON CONCERTO DE XOAN CURIEL (MÉRCORES 19 DE XUÑO, 18 HORAS)

 

Lembrade ademais que, en poucos días, nos pasamos ao horario de verán: a partir do 25 de xuño abriremos de luns a venres entre 12 e 14 horas, e os sábados de 11:30 a 13:30 horas. En agosto pecharemos entre o 1 e o 15 de agosto. Para devolucións, 24 horas/7 días á semana, xa que vimos de estrear un buzón que poderedes atopar na entrada do centro cívico.

O Concello organiza en febreiro festas e obradoiros infantís de Entroido nos centros cívicos dos barrios

Os centros cívicos da cidade preparan a chegada do Entroido nos barrios cun programa de festas e obradoiros que comenzan o día 7 de febreiro e nos que poderán participar nenas e nenos ata os 12 anos, segundo a actividade. As festas de Entroido celebraranse en 14 centros cívicos entre os días 7 e 11 de febreiro. A elas poderán acudir menores de ata 12 anos, que deberán estar acompañados por unha persoa adulta durante as dúas horas que está previsto que se prolongue o evento. As festas comenzarán ás 17.00 horas e rematarán ás 19.00 horas. Para participar nelas será preciso recoller invitacións, que están dispoñibles dende hoxe nos centros cívicos. As festas, gratuítas, contarán con animación musical e xogos organizados por monitores profesionais.

As celebracións comenzan o día 7 no centro cívico de San Diego. Ao día seguinte será o turno de Palavea e Elviña, mentres que o día 9 toca festa nos Rosales, Mesoiro e Monelos. Os centros da Cidade Vella, Eirís e Os Mallos celebran o día 10 e á tarde seguinte a festa se traslada a Novoboandanza. A derradeira xornada de festa de Entroido terá lugar nos centros de Labañou, Feáns –neste caso, a celebración comezará ás 17.30 horas, media hora máis tarde que no resto–, Castrillón e Monte Alto.

As actividades, que organiza a Concellería de X ustiza Social e Coidados, complétanse con obradoiros gratuítos de elaboración de caretas e de elementos de photocall dirixidas a nenas e nenos de entre 4 e 9 ou 10 anos, segundo o centro. A inscrición para tomar parte nos obradoiros comeza o día 5 de febreiro e deberá facerse no centro cívico correspondente. As prazas adxudicaranse por orde de matrícula e deberán reunir un máximo de 15 participantes e un mínimo de 7 para poder levarse a cabo.

Os talleres impartiranse en catro centros cívicos. Comenzan o día 8 no de Visma cun obradoiro de elaboración de caretas para nenas e nenos de entre 4 e 10 anos en horario de 18.00 a 20.00 horas. O resto de talleres están destinados para idades comprendidas entre 4 e 9 anos, impártense en horario matinal, de 11.00 a 13.00 horas, e celebraranse o luns 12 de febreiro. Nos centros de Pescadores e A Silva farase o obradoiro de elementos de photocall e no de Artesanos o taller de elaboración de caretas.

O Goberno local abre a próxima semana os prazos de preinscrición nos campamentos infantís de verán dos centros cívicos

O Concello abre o próximo 15 de xuño o prazo de preinscrición para os campamentos de verán municipais da Concellería de Xustiza Social e Coidados, que inclúen os campamentos urbanos, os campamentos de día e os campamentos tradicionais, e que se celebrarán entre o 3 de xullo e o 31 de agosto. En total, a oferta componse de 2.751 prazas, das que a área que dirixe Silvia Cameán reserva un 20% en cada unha das tres modalidades para destinalas a menores beneficiarios dos servizos sociais e, do mesmo xeito, cada quenda inclúe prazas para menores con Necesidades Educativas Especiais (NEE). Ademais, a oferta municipal de actividades infantís de verán nos centros cívicos completarase, entre os días 26 e 30 de xuño, co programa sociocultural Embárriate, que se desenvolverá en 19 centros cívicos da cidade e que está dirixido para menores que naceron entre 2005 e 2013 e empadroados na Coruña, cunha proposta que xira arredor dos barrios, cunha perspectiva lúdica e artística.

En canto aos campamentos, desde o día 15 e até o 17 de xuño será posible realizar a preinscrición nos campamentos urbanos dos centros cívicos, dirixidos a nenos e nenas nadas entre o 1 de xaneiro de 2005 e o 31 de decembro de 2013. As persoas interesadas deberán acudir no prazo fixado ao centro cívico ao que se desexe optar, en horario de 11.00 a 13.30 e de 17.00 a 20.00 horas. Esta tipoloxía de campamento, que constará de catro quendas, desenvolverase a partir do 3 de xullo, de luns a venres, en horario de 10.00 a 14.00 horas, e coa posibilidade dun horario ampliado nalgún dos centros cívicos –naqueles onde se ofertan as catro quendas–, para facilitar a conciliación familiar, entre as 09.00 e as 14.30 horas. A oferta inclúe 2.155 prazas, das que 55 están dirixidas a menores con NEE. O prezo da praza nestes campamentos é de 26 euros para o horario xeral e de 32 euros para o horario expandido. Leer más

Os centros cívicos municipais acollerán actividades dirixidas á mocidade entre os meses de xuño, xullo e agosto, dentro do programa ‘Lecer Saudable’

Os centros cívicos municipais acollerán entre os meses de xuño, xullo e agosto, diversas actividades dirixidas á mocidade de entre 12 e 30 anos dentro do programa Lecer Saudable,impulsado pola Concellería de Xustiza Social e Coidados e cuxo obxectivo é fomentar hábitos saudables de vida, así como previr conductas adictivas entre os mozos e mozas a través de actividades de lecer construtivo. Este programa, que inclúe distintas actividades de tipo deportivo, ambiental, artístico, audiovisual e formativo ten carácter gratuíto. O período de inscrición para as distintas actividades (recollidas no documento adxunto) realizarase entre os días 20 e 23 de xuño, en horario de 11.30 a 13.00 e de 17.30 a 19.00 horas nos centros cívicos nos que se leven a cabo cada unha das accións.

Entre as actividades que se ofertan, destacan as destinadas aos e ás máis novas, de até 17 anos. Iniciación ao surf, realización de curtas, iniciación á cocina italiana, cociña básica, recuncho de estido, aerobic latino, vóley praia, deseño de cómics, como ser Dj, tratamento e retoque fotográfico, xogos en rede, maxina ou multideporte, entre outras actividades. Por outra banda, os mozos e mozas de entre 18 e 30 anos poden participar en xornadas multiaventura (escalada, sendeirismo costeiro, ruta BTT, canoa…), así como a cursos de iniciación á cociña internacional, mantemento de páginas web e blogs, cursos de primeiros auxilios en colaboración coa Cruz Vermella, ou de mediación en prevención de drogodependencias.

As actividades son gratuítas e as prazas limitadas. Se o número de solicitudes de participantes en cada actividade superase o número de prazas establecido procederase á realización dun sorteo para a súa adxudicación. A realización de actividades está condicionada á existencia dun número mínimo de persoas inscritas. Para máis información, os e as interesadas poderán dirixirse aos centros cívicos municipais ou ben consultar a web municipal (w ww.serviciossociales.coruna.es) ou chamar ao teléfono de información cidadá 010.

O ano pasado 1.275 mozos e mozas participaron neste programa de lecer a través de 22 actividades distintas, ocupándose o 100% das prazas ofertadas.