Archivo de la categoría: Fiestas

Anulado Concerto de Celtas Cortos

Dende a directiva da AVV querémosvos dar unha mala noticia, o concerto estrela  que tiñamos pensado facer nas Festas de Novo Mesoiro para 2016 de Celtas Cortos, foi cancelado por problemas ca axenda do grupo e os prazos para fechar a súa contratación.

Ao se tratar dun grupo a nivel Estatal de gran repercusión tiñamos que ter fechado xa fai bastantes días a súa contratación,  pero vímonos na obriga de anulalo ao seguir esperando a confirmación por parte do Concello da elaboración das festas do noso barrio.

A principios de Maio deste ano presentamos a Concellería de Cultura un proxecto ambicioso, onde a AVV asumía unha importante partida orzamentaria a cambio de que o Concello nos permitira certo marxe para podernos financiar, pero debido o retraso de todo este proceso, onde a día de hoxe non temos nada concreto ( segundo o Concello o retraso ven dado por terse aprobado tan tarde os orzamentos municipais), fai varias semanas decidimos anular este concerto  e todo o proxecto presentado dado que non tiñamos noticias deles,  e nós, non podíamos asumir o risco que supón o  custe destas contratacións  sen ter o respaldo da Concellería de Cultura  e  sen saber as aportacións  que farían  as festas, asi como  o seu  permiso para buscarnos a financiación necesaria.

Sentimos moito esta noticia sobre todo pola expectativa creada no barrio e intentaremos fechar co Concello unhas festas  para o noso barrio que sexan acorde coa proposta presentada a Concellería de Cultura.

Cando teñamos algo realmente fechado e contratado anunciaremolo.

AVISO ACTIVIDADE ENTROIDO 2016

CANCELACIÓN ACTIVIDADE ENTROIDO 2016

Ante a proximidade do entroido ( semana do 8-14 de febreiro) e debido as situacións persoais da maioría da directiva da AVV, aprobamos cancelar a actividade da festa de Entroido que viñamos facendo no pavillón estos últimos anos.

A preparación e a realización deste tipo de eventos require unha serie de recursos, de persoral e de tempo para organizalos,  dos que neste momento non dipoñemos para esta actividade, polo cal decidimos suspendela ante a imposibilidade de realizarla co mínimo de calidade que exiximos en cada evento noso, e adicar os nosos esforzos noutras labores  e proxectos relacionados coas melloras que necesita o noso barrio.

Agradecemos que en cada evento a venciñanza responda  participando masivamente nas actividades que realizamos, sempre nos da folgos para continuar. Tamén queremos agradecer  persoalmente a  labor que  realizan @s voluntari@s que traballan con nós na organización destos eventos, gracias a eles, o seu traballo, e o seu tempo, podemos realizar estas actividades.

Temos pendente a realización das festas do barrio para a finais de agosto e necesitamos da participación e traballo de máis xente, para que sexan as mellores festas da cidade.

Por iso facemos un chamamento para que máis xente se implique na AVV, tanto como voluntari@ coma como soci@s, e traballe canda nós.