Archivo de la categoría: infraestructuras

Recollidas de asinaturas Centro de Saúde

Adxuntamos o texto para a recollida de asinaturas que realizaremos polo barrio  para solicitar a XUNTA a creación dun turno de tarde no Centro de Saúde de Novo Mesoiro

Todas aquelas persoas que queiran firmar poden pasar polos establecementos do barrio que teñan o texto pegado na súa cristaleira.

Tamén se querdes colaborar na recollida de asinaturas podédesnos pedir a documentación a traves do noso email avv@novomesoiro.com

«Dende a AVV de Novo Mesoiro levamos moitos anos solicitando a dirección do SERGAS, e no seu caso a  dirección da Xunta de Galicia – Consellería de Sanidade e Servicio Galego de Saúde, a creación dunha quenda completa  de tarde no Centro de Saúde de Novo Mesoiro, centro que  acolle a todos @s veciñ@s de Novo Mesoiro, Feáns, Mesoiro, Urbanización Breogán, POCOMACO e as Rañas.

Como ven saben, a tanto a dirección do SERGAS como da Xunta de Galicia, vivimos nuns barrios afastados do resto da cidade, onde calquera desprazamento  a outro centro de saúde supón a necesidade de movernos no coche, ou de empregar a rede pública de transporte utilizando transbordo cando menos de 2 autobuses, xa que non temos posibilidade de acudir a outro centro de Saúde a pé, supoñendo un agravio fronte outr@s veciñ@s da cidade.

A falta dunha quenda pola tarde supón que moit@s veciñ@s decidan non trasladar a súa tarxeta ao centro de saúde do barrio por incompatibilidade horaria, e se a isto se lle suma que non hai unha matrona e so un pediatra, cunhas listas de espera as veces de máis de 7 días fai que os datos que manexa o SERGAS en solicitudes non sexan reais, e que a demanda sexa moito maior da que existe, polo que a excusa de falta de solicitudes que din  non se acorda coa realidade, a parte é o único centro de saúde da cidade que so ten unha quenda de traballo.

Se a isto sumamos que somos o barrio con mais nenos en idade escolar con mais de 1800 e cunha media de idade total que non sube dos 33 anos, NON PODEMOS ACEPTAR que so exista unha quenda no noso centro de saúde, con 2 médic@s ( que acostuman a cambiar a cotío), 3 enfermeiras ( 1 de pediatría) e 1 pediatra, para máis de 8000  posibles usuarios.

Por iso os abaixo asinantes solicitamos a XUNTA de GALICIA, e no seu caso, a CONSELLERÍA DE SANIDADE que:

A creación doutra quenda de tarde para o Centro de SAUDE de NOVO MESOIRO cun  equipo de medic@s, enfermeir@s, matronas e pediatr@ para atender @s veciñ@s do barrio»

SO UN COLEXIO PUBLICO PARA O NOSO BARRIO

DENUNCIA

A directiva da AVV de Novo Mesoiro queremos denunciar que:

Na distribución dos colexios públicos para as novas solicitudes de escolarización dos nen@s do noso barrio deste ano, só nos corresponde o Manuel Murguía como  ÚNICO COLEXIO PÚBLICO, dentro da zona de influencia marcada pola Xunta e o Concello. Colexio con só 25 prazas por curso.

Parece ser que estos técnicos da Xunta de Galicia e do Concello non entenden que somos o barrio con máis nacementos de toda A Coruña e aréa metropolitana, que somos o barrio con máis nen@s en idade  para escolarizar, e que somos o barrio con mais demanda de prazas nos colexios.

Tamén, parece ser, que están a facendo caso omiso da campaña que dende o ANPA do Salgado Torres están a levar para introducir  o colexio dentro do área de influencia e poder ter un BUS ( algo básico e normal ), colexio, por certo,  que ten moitos nen@s do noso barrio. E non só fan caso omiso senón que por riba quitaronno da area limtítrofe, pasando o Alborada como limítrofe e non de influencia.

QUERENNOS VACILAR OU QUE!

Dende a directiva da AVV queremos recalcar que tenemos, como barrio, e cidadáns,  o dereito a cubrir unha NECESIDADE BÁSICA  como é a educación pública, a de ter un COLEXIO PÚBLICO  con prazas e instalacións adecuadas a demanda do barrio,  e  non a de ter que acudir a centros concertados para escolarizar @s nos@s nen @s; onde se cobra pola ensinanza pública, por que se cobra, de forma indirecta e con coñecemento da Xunta, ben sexa con donativos, con pago de  actividades, aportacións voluntarias etc e sempre cun caracter casi obrigatorio.

Como barrio temos solicitado a creación dun Centro Publico de Integrado, algo que urxe construir o antes posible, e parece ser que as argucias legais da Xunta está a paralizar isto,  e que a demora pode levar que o Colexio non se empece a construir este ano. Temos solicitado varias xuntanzas por rexistro con representantes da Xunta de Galicia e polo de agora non temos constestación.

Por iso solicitamos públicamente:

A) Unha reunión entre o Concello, A Xunta de Galicia ( representantes de Educación) e a AVV e representantes das nais/pais do barrio para:

• 1) Para pedir explicacións nas modificacións das áreas de influencia e limítrofes do noso barrio,  e para que se poidan intruducir as modificacións necesarias para que tanto el Alborada como el Salgado Torres estean dentro desa aárea de influencia mentras non se constrúe o novo colexio, e asi poder compartir  os buses entre os dous colexios.
• 2) Para pedir información de como está este proceso da construcción do novo Colexio,  onde  se vai construir,  que se quere construir e porque se está a dilatar este tema.

Colexio en Novo Mesoiro

NOTA INFORMATIVA

Dende a directiva da AVV queremos informar do que ven solicitando a AVV con respecto que saíu onte nos medios de comunicación sobre a construción dun CEPI no noso barrio. Queremos recalcar que esta demanda ven solicitada por parte da veciñanza do barrio ante unha necesidade básica e urxente sen cubrir. Por iso queremos presentar publicamente estas aclaracións:

•   En maio de 2015 presentouse por Rexistro na Xunta a demanda dun CPI, centro público integrado, que teña toda a educación obrigatoria, coa recollida de case 4000 mil firmas polo barrio en so 15 días. Resaltar que o que máis urxe agora é o ciclo da ESO, xa que os colexios públicos onde @s nen@s do noso barrio estudan ( Manuel Murguía, Alborada, Salgado Torres) carecen deste ciclo. Dada a singularidade do noso barrio e as distancias co resto de centros públicos de educación da cidade, e que este ciclo non existen no noso barrio, teríase que acudir ou a IES Elviña, IES Puga Ramón ou cunha liña ao CIFP Someso para poder estudalos, cunha distancia que pode ser ate de 4-5 km. Hai que ter en conta que en xaneiro de 2015 eran 1575 nen@s os empadroados no barrio, polo que se pode dar moi facilmente que moitos deles non teñan praza nestes centros e se teñan que repartir pola cidade. Por iso urxe que se programe para o barrio a creación dun CPI e non dun CEIP como veñen nas noticias que onte saíron nos diferentes medios de comunicación.
• Como complemento da proposta  inicial d@s veciñ@s, e para que a inversión sexa menor, propuxemos as administracións (Concello e Xunta) que se puidera combinar, inicialmente,  as novas instalacións coas existentes no colexio Manuel Murguía,  repartindo nos dous centros toda a educación obrigatoria, e recortando os gastos que levan facer este tipo de centros.
• Dende a AVV  queremos mostrar o noso malestar por que temos solicitado varias veces por rexistro unha reunión c@s representant@s da Consellería de Educación da Xunta de Galicia   para informarlles das demandas da veciñanza e poder compartir opinións, a última solicitude foi fai un mes; e polo de agora non tivemos ningunha resposta por parte deles, só tendo a información no que sae nos medios ou nos informa o Concello.
• Queremos tamén afirmar que non imos entrar en guerras entre administracións polo que les pedimos a ámbalas dúas que non usen subterfuxios legais para dilatar este proceso e que antes de rematar o ano xa se teña empezado a construción do novo centro.
• Que a nova ubicación levaría que se retirasen os ortos urbanos, tendo o compromiso do Concello que os reubicaría noutro espazo do barrio.

Por todo isto solicitamos unha xuntanza coas distintas administracións ( Concello e Xunta de Galicia) para que nos expliquen cal son os proxectos existentes, ubicacións e prazos e como se poden combinar coa demanda da veciñanza, pudendo realizase esta xuntanza en convocatoria aberta a todo o barrio ou só con representantes da AVV e de nais e pais do barrio.

Novo Mesoiro, pertencemos a outro concello?

O Concello da Coruña,  vólvese a esquecer do noso barrio.

Para algúns, cando pensan na Coruña, NÓS non existimos, debemos ser dun concello independente:. Iso si, cando toca pagar o IBI como barrio de primeira, si somos do concello.

Outra vez máis, como o resto das corporacións que pasaron polo Concello, Novo Mesoiro non volve a contar para alguhas das súas políticas, neste caso para a concellería de Medio AMbiente, e o seu camión de punto limpio.

Parece ser, que en Novo Mesoiro non xeramos residuos sólidos reciclables, e que os puntos limpos da cidade estan perto do noso barrio ( Rosais e Eiris),  por que que o camión do punto limpo nin se achega ao noso barrio . Iso si, nos Rosais  que teñen un punto limpo a 100 mts estará 3 días.

Sra/srs do concello, estamos fartos de que cando se fala de cidade nós escasamente aparecemos, empecen a pensar que tamén existimos e que queremos o mesmo que o resto dos barrios da cidade, e xa temos demsiadas carencias, para que enriba, cando se promove algo, non se conte con nós.