No proceso de achegar ao máximo posíbel de persoas o traballo da Asociación, e co espírito de tentar recoller o máximo de aportacións, suxestións e iniciativas da veciñanza de Novo Mesoiro, podes enviarnos ao correo electrónico presidencia[arroba]novomesoiro.gal todas aquelas achegas que consideres que mellorarían o barrio.
Así mesmo, temos as nosas contas de twitter, de facebook e de instagram para que tamén podas interactuar connosco e facer un barrio mellor.
Información, actividade e transparencia
Poñemos á vosa disposición, nesta mesma páxina, os seguintes enlaces, onde podedes ver e descargar, toda a actividade organizativa e de xestión que realizamos. Estes enlaces tentarán estar actualizados periodicamente, co obxecto de ir colgado na rede todas aquelas actuacións que teñan coma protagonista ao barrio de xeito inmediato.
Os enlaces son os seguintes:
A respecto das reivindicacións e demandas:
- «Principais reivindicacións»: que trasladamos aos partidos políticos cada vez que se reúnen con nós
- «Iniciativas_de_grupos_políticos»: aquí poderás atopar todas as actuacións que os grupos políticos realizan nas distintas administracións respecto ao barrio, na maioría dos casos a propostanosa ou trasladando parte das nosas principais reivindicacións.
A respecto das actividades e traballo da Asociación:
- «Actividades»: onde podes acceder á información relativa ás actividades que realizou ou está realizando a Asociación.
- «Memorias e informes»: memorias de actividades, informes de xestión, resumen de eventos…
- «Notas_de_prensa”: todas as opinións públicas da asociación enviadas aos medios de comunicación.
A respecto do funcionamento interno:
- «Estatutos»: aquí están colgados os nosos estatutos así coma outra información legal de interese.
- «Solicitas_tramitacions_xestions»: trámites ordinarios da asociación, e que redundan nun mellor servizo ás persoas socias e ao barrio en xeral.
A respecto de informacións de interese relativas ao barrio:
- Plano Xeral de Ordenación Municipal para Novo Mesoiro.
- Plano do barrio en 1927.
Por último tamén deixamos enlace ás principais promesas que realizan os partidos políticos nas campañas electorais para que se poda comparar o «dito» co «feito»:
- «Programa dos partidos para o mandato 2019-2023»: últimas propostas en vigor para este mandato que nos achegaban os partidos políticos para o barrio.
- «Programas dos partidos para o mandato 2015-2019»: propostas para o barrio que nos foron enviadas polos partidos políticos na eleccións municipais de 2015.
Lembra, asemade, que na pestana “AVISOS INCIDENCIAS Y CONTACTO” (http://novomesoiro.com/avisos-incidencias/), desta mesma páxina web, podes deixar calquera suxestión, incidencia. Problema ou comentario que desexes.
E, ademais, tamén deixamos a nosa «ficha» de persoa socia para que, se queres, solicites a túa alta e pases a formar parte da Asociación.